Entre Feldman 6XUN

Niño de Elche e Arxis Ensemble protagonizan o concerto de clausura desta IX edición e podemos aventurar que se trata dunha das propostas máis arriscadas e ambiciosas da historia do Festival RESIS. Tras traballar previamente na residencia artística REGA, na Cidade da Cultura de Santiago de Compostela, a voz sempre iconoclasta de Paco Contreras e a precisión sonora de Arxis Ensemble presentarán un programa de hibridación absoluta entre performance, electrónica e música de cámara, completada polas imaxes concebidas para a ocasión de Lois Patiño, un dos cineastas e creadores visuais galegos máis prestixiosos. Nel haberá dúas estreas absolutas, a de Arder, de Hugo Gómez-Chao, e a de Entre Feldman, de Niño de Elche e Hector Cavallaro. Ademáis, traballarán sobre pezas de Rebecca Saunders, Morton Feldman e José Manuel López López nunha experiencia que vira arredor do concepto de transformación e de novos códigos culturais. O espectáculo Entre Feldman promete desbordar os límites da música contemporánea tradicional para interpelar directamente á identidade e á memoria do espectador.